Ljóst er að leikur Plymouth og Brighton í 2. deildinni á Englandi sem er á Enska getraunaseðlinum mun ekki fara fram á fyrirhuguðum tíma. Því mun verða dregið um hvernig úrslit leiksins fara. Drátturinn fer þannig fram að kúlur eru settar í skál og fer fjöldi kúlna eftir spá 10 sænskra blaðamanna um úrslit leiksins. Fimm blaðamenn töldu að leikurinn fengi táknið 1, tveir að hann fengi táknið X og þrír að hann fengi táknið 2. Auk þess fara í skálina tvær kúlur til viðbótar merkar 1, tvær merktar X og tvær merktar 2. Alls verða því 7 kúlur merktar 1, 4 merktar X og 5 merkar 2 í skálinni þegar dregið verður. Rétt áður en leikirnir á seðlinum hefjast verður dregið um táknið á leiknum.

Einn var með allar fimm tölurnar réttar og fær rúmar 25 milljónir að launum. Miðinn góði var keyptur á N1 í Borgartúni, Reykjavík. Sex voru með bónusvinninginn að þessu sinni og hlýtur hver þeirra rúmar 62 þúsund krónur. Einnig voru tveir með 4 rétta í réttri röð í Jókernum og fær hver þeirra hundrað þúsund krónur. Annar miðinn var keyptur í Hagkaup í Holtagörðum og hinn á N1 á Ártúnshöfða, Reykjavík.